Ich schwör Dir, mer verjesse nie…d‘r veezehnte Juli
Veezich Dage un Nächte lang heelt es sich am rääne dran
doch Noah hät mit Jott jeschwaad hä wor bereit, hä wor jewarnt
Bau e Schiff jroß un stark loß alle rin, die mit Dir sin
Land unger, üvverall die Sintflut schlick d‘r Erdenball
Nur die eine koote Summernaach
hät he unge alles plattjemaat
Endlich Laache noh dem jroße Rään
Hoffnung, unger all d‘r Stään
ejal, wat mer verlore han
mer fange noch ens an
Endlich Morje noh ner lange Naach
wenn et räänt, jo do bliev ich waach
ich schwör Dir, mer verjesse nie d‘r veezehnte Juli
Willkumme in uns neuer Welt wo Rään op Millione Autos fällt
Satelitte üvver uns doch et Wedder mäht uns Angst
Nit jewarnt un nit bereit
duurt d‘r Rään en Iwichkeit
d‘r Keller voll Wasser un et steich
he süht et us, wie noh dem Kreech
Nur die eine koote Summernaach…
Endlich Laache noh dem jroße Rään…
Ich schwör Dir, mer verjesse nie…d‘r veezehnte Juli