Die jolde Dächer vum Ludwig sin jrau
un d‘r Verkehr dröhnt de Brögge kapott
Dohinge mät einer ne Köpper vum Dom
un ich wünsch ich wör janz wick fot
Un et ränt en d‘r Rhing
Un et ränt en d‘r Rhing
Die Stroße die kühme un schreie
Jeder es jedem em Wäch
un üvver d‘r Drachefels kütt allt widder ens ein
vun dä vill ze lange Näch‘
Un et ränt en d‘r Rhing
Un et ränt, jo et ränt
ränt en d‘r Rhing
Un et ränt, un et ränt en d‘r Rhing
Die Möve sin plötzlich janz stell
Nor ne Schlepper hült wie ne Schakal
Minsch, es meer dat alles vertraut
Nor d‘r Wing, dä ich drink‘, dä schmeck schal
un et ränt en d‘r Rhing
Un et ränt…
Ich jon jetz einfach üvver et Wasser
einfach su op die andere Sick
un drink‘ met dä Dömcher e Schlückche
un rof‘ : Proß! Op die iwije Zick!
Un et ränt en d‘r Rhing
Un et ränt en d‘r Rhing
Die jotische Monster, die jrense un flöstere
Kumm Jung, kumm doch erop!
Un de Jlocke verrode ming Sünde
Ävver d‘r Bischof, d‘r Düvel und ich – mer drieße jet drop
Un et ränt en d‘r Rhing
Un et ränt…