Kumm, loss mer jet bedde, ohne dran ze jläuve
dat deiht manchmol jot un rettet d ́r Daach
kumm, loss mer jet schwaade, ohne vill ze sage
wenn Du Dir nit sicher bis – haal einfach die Schnüss
Denn, su schön wie hück, weed et nie widder sin
un su jot wie mer, kritt dat keiner hin
Himmel un Höll, et kütt, wat kumme soll
maach Dich nit verröck, maach Dich nit verröck
Mer lääve hück!
Kumm, loss mer jet zocke, noch sin mer nit verlore
Adrenalin im Bloot, deiht manchmol jot
un loss mer jet jevve, et Schönste im Levve
wenn Du karrisch bis un deihs nix rus – dann bliev doch ze Huss
Denn, su schön wie hück,
weed et nie widder sin…
Die Wohrheit deiht doch immer wieh
drum frage mer och wirklich, nie…. su jenau
keiner weiß, wat morje kütt, häste Trouble oder Jlöck
is der Himmel jrau…..oder blau???
Denn, su schön wie hück,
weed et nie widder sin…