Du bes en Mamm un du bes en Huur
du bes ne Lady un en Fiuur
du häs Maniere un bes en Krat
wenn irjendjet scheif hängk
mähß du et jrad
Du häs Traditione un uch Anarchie
du lääfs nor ein Woch doch die deiht dann wieh
manch einer hasst dich doch ich han dich jän
komm immer widder, ich bin dinge Fan
Mer will dich kopiere, se pumpe dich op
doch su wie du bes, do ston mer drop
un bringk mer dich fott he, dann jeihs du en
denn alles zosamme, dat kann et nor sin
Drum kumm immer, immer widder,
mer waade op dich
einmol im Johr, kütt schon morjens
Schabau op d ́r Disch
mer drinke zusamme, mer halde uns fass
verjesse die Sorje, d ́r Alldaach un d ́r Brass
Du bes ming Kindheit, ming eeschte Patie
du küss em Winter, do jov et noch Schnie
du bes e Feeling ens jot un ens schläch
wenn alles vorbei es, dann bes du jeräch
Un wenn du dann jeihs, kriesch ich wie nie
et För brennt hell un et schmelz d ́r Schnie
all unsre Sünde jon met dem Rauch
un all unsre Dräum, die jon dann uch
Drum kumm immer, immer widder…