Deutschunterricht, dat wor nix för mich
denn ming Sprooch, die jov et do nit
sprech ödentlich hät de Mamm jesaht
di Zeugnis dat weed keine Hit
Ich sprech doch nur ming eijene Sprooch
wuss nit, wat se vun mir will
ejal wat ich saachen dät,
et wor verkeeht
Denn ich bin nur ne kölsche Jung
un mi Hätz, dat litt mir op d ́r Zung
op d’r Stross han ich ming Sprooch jeliehrt
un jedes Wort wie tätowiert
op minger Zung
ich ben ne kölsche Jung
Hück ben ich jlöcklich, dat ich et kann
uns Sprooch die mäht uns doch us
mer hürt schon vun Wiggem
wenn einer Kölsch schwaad
do föhl ich mich direk ze Huss
Wenn mer se spreche, dann lääv se noch lang
dann jeiht se och niemols kapott
uns Sprooch is e Jeschenk
vum leeve Jott
Denn ich bin nur ne kölsche Jung……