Et is jetzt Zick noh Huus ze jon
ming Frau die waad allt schon su lang
et is jetzt Zick dem Draum ze sage:
et is schöner als bei d ́r Mamm
manchmol fähle mir die Wöder
üm dir ze sage wat ich föhl
kumm loß mer nit ze lang vun schwaade
ich krijje e komisches Jeföhl
Nur mer zwei jon durch et Levve
nur mer zwei maache et jot
un wenn du meins et jing donevve
nur mer zwei…
Uns Levve is manchmol wie ne Dschungel
wilde Diere lauern an jeder Eck
doch wenn mer zwei zesammeston
stecke mer die janz leich weg
Zick trick in et Land mer wäde ähler
et Levve schriev uns in et Jeseech
lihre deit mer durch die Fähler
Uun su jon mer unsre Wäch
Nur mer zwei jon durch et Levve…
Du tricks mich runger, drievs mich aff in de Hüh
löss mich falle, un fängs mich op
Nur mer zwei jon durch et Levve….