Du häs mich jebohre un us mir jemaht
wat ich hück bin, stolz un en Kraat
ich kenn ding Maniere, du bes halt jet schnell
alles verjesse, der janze Verzäll
Jeschmingk wie ne Teeny, doch du küss dir vör
wie die First Lady, sag wo kütt dat her?
dir is nix peinlich, un du löß nix us
weil mer em Lääve, alles mitmaache muss
Du bis minge Rään, du bis en Sintflut
du bis minge Wind, du bis ne Sturm
du bis kalt wie Iss un heiss wie Gloht
un immer dat Jeföhl: et jeiht nit jot!
Du blievs jung un du bis alt
et Blot so wärm, et Hätz su kalt
bis nit schön, doch mi zo Huss
dat kritt mer jeschengk, dat söck mer nit us
Du bis minge Rään, du bis en Sintflut…
Rään un Sonnesching, bei dir is alles drin
doch ohne dich is alles still
Du bis minge Rään, du bis en Sintflut…