Minge Weed hät Schluss jemaat un satz mich für de Dür
et wor uch Zick noh Huus ze jon doch ich hat noch jet för
uns Stadt, die wor am schlofe doch ich, ich kannt en Bar
wo se sich naaks trofe un se woren uch all schon do
Brave Lück wie ich un du total vun d ́r Roll
zu esch han ich et nit jegläuv sojar d ́r Prinz wor voll
op Desch un Stöhl am danze de Musik superlaut
un plötzlich us dem Janze sprung an minge Hals
– su ́n Fun- kebraut
Wenn et einmol nur funk – is et zu spät
dann weed jedanz, bis ja nix mih jeit
dann jit et voll op die Mütz
bis zum Äschekrütz
Danze un su dun als ob mir dat janix mäht
hin un widder froge ich ens wie et ihr denn jeit
et dät dann nur kot lache „Jung, kumm drink ne Schluck“
ab Mittwoch kannste schlofe dann häste Paus jenoch
Wenn et einmol nur funk – is et zu spät…
Lange Rede kurzer Sinn ich wor medden drin
Frau Marie in mingem Ärm frog mich nit warüm
ming Fööss, die däte kriesche ming Bein su schwer wie Blei
kein Chance, denn ming Mariechen wor noch ziemlich jot dobei
Wenn et einmol nur funk – is et zu spät…